“O BNG prefire crear partidas para axudar as familias sen recursos á premiar expedientes académicos”

O Bloque Nacionalista Galego quere saír ao paso dunhas declaracións realizadas polo alcalde da Guarda, Antonio Lomba, na que amosou a intención de crear unha partida de para premiar aos mellores expedientes académicos de Primaria, ESO e Bacharelato.

Dende o BNG consideran que en plena crise económica non é o mellor momento para fomentar este tipo de iniciativas de carácter elitista.

Para o BNG debe atenderse primeiramente as necesidades máis urxentes e esperar a mellores momentos para tomar este tipo de iniciativas.

“Valoramos a aquelas rapaces e rapazas que sacan grandes expedientes. Mais agora urxe tomar medidas para equilibrar as desigualdades que os gobernos do PP e do PSOE nos teñen sumido”, comentou Ángel Baz, portavoz municipal do BNG.

Dende o BNG deixan claro que este tipo de iniciativas non están na liña dunha política social na procura , polo que vai ser difícil asumir uns orzamentos desta natureza e instan ao Alcalde da Guarda, Antonio Lomba, a tomar a senda da recuperación social.