O BNG convida á veciñanza do Baixo Miño a participar no Día da Patria este 25 de xullo en Compostela baixo o lema "Sumando por Galiza"

<p>Emocións, ilusións, enerxía e sorrisos que se collen da man para avanzar xuntos. Iso queremos nós e iso cantan Jasper e Aida coa superbanda que os acompaña para este Día da Patria. Sumar por Galiza, co BNG, contigo. CRÉDITOS: Música e letra composta por Jasper Nao (Pablo Carracedo). Instrumentada e gravada coa colaboración de: Aida López (Voz), Amós Varela (Batería), Anxelo de Xermar (Baixo), Iago Sayáns (trompeta), Alberto Busto (guitarra), Miguel Duarte (guitarra), Paula López Lodeiro (Trombón), Iago Pico (Saxofón). Gravado, mesturado e masterizado nos Estudos Pousada Son de Ames en xuño de 2018 baixo a produción de Iago Pico. Realización vídeo: J•Aragunde. Cámaras: Juan Barcia e Adrián González.)</p>

“É un día de celebración e reivindicación para unir a todas as persoas que teñen Galiza na cabeza e no corazón e confían no potencial deste país”, salientou o responsábel comarcal.

O BNG convida á veciñanza do Baixo Miño a participar no Día da Patria este 25 de xullo en Compostela baixo o lema "Sumando por Galiza"

O BNG fai un chamamento á veciñanza da comarca a participar masivamente na celebración do Día da Patria, que o BNG conmemora este ano baixo o lema Sumar por Galiza, precisamente como referencia expresa a unir a todas as persoas que confían no potencial do País para construír un futuro mellor.

 

“Desde O BNG facemos un chamamento a participar nunha convocatoria aberta para sumar polo país, aberta a todos os galegos e as galegas que levan Galiza na cabeza e no corazón e que, igual que o BNG, queren construír un futuro mellor, onde a nosa lingua e cultura podan desenvolverse con normalidade, con emprego digno, salarios e pensións decentes. En definitiva, construír a Galiza coa que soñamos”, salientan dende a organización nacionalista. 

 

Os actos que se celebrarán con motivo do Día da Patria Galega en Compostela darán comezo xa o día 24, coa celebración do FESTIGAL, unha cita xa consolidada no panorama cultural e musical galego.

 

O propio día 25 de xullo terá lugar a xa tradicional manifestación do Día da Patria, que este ano cumpre o cincuenta aniversario desde que en 1968 o nacionalismo retomase a súa celebración. Partirá da Alameda de Compostela ás 12h para percorrer as rúas de Santiago até a Praza da Quintana, na que intervirá a Portavoz Nacional do BNG Ana Ponton.

 

Para facilitar a asistencia a este acto sairán autobuses o 25 de xullo desde o Baixo Miño con paradas na Guarda, O Rosal, Tomiño e Tui, cómpre reservar praza no 616090632/baixominho@bng.gal.

O BNG convida á veciñanza do Baixo Miño a participar no Día da Patria este 25 de xullo en Compostela baixo o lema "Sumando por Galiza"