Imprimir

O BNG denuncia que o acordo de PSOE, PP e Fátima Iglesias por Fínola é un regalo de 300.000 € para a banca

bngbaixominho | 01 de Agosto de 2018

Anxo Baz, portavoz municipal do BNG
Anxo Baz, portavoz municipal do BNG

“A compra de Fínola supón un gasto de 300.000 € por uns terreos queco actual planeamento xa son do Concello”

O BLOQUE NACIONALISTA GALEGO manifesta o total rexeitamento ao acordo entre PSOE, PP e Fátima Iglesias para comprar a finca de Fínola, por ser un regalo para a banca.

O BNG sempre considerou importante que a Finca de Fínola, a día de hoxe propiedade da banca, fora patrimonio do Concello.

O desenvolvemento de todo o PERI suporía para o Concello da Guarda 5.000 m2 de espazos públicos para o pobo da Guarda ,totalmente gratuítos, que é case o dobre do que pretenden mercar. Polo que deberan explicar quen son os auténticos beneficiarios desta manobra de compra-venda

“En vez de optar por esta medida que contempla a lei, sorprendentemente o Alcalde da Guarda e o do PSOE co apoio do PP e de Fátima Iglesias vai despilfarrar máis de 300.000 € en mercar un terreo  que utilizando a lexislación vixente sería do Concello”, comentou Anxo Baz, portavoz municipal do BNG.

O BNG advirte que o Concello da Guarda pode modificar o PERI para desenvolver toda a zona como mellor beneficie ao conxunto do pobo da Guarda. Pode modificar o debuxo da área, o tipo de xestión.. que levaría, incluso a aumentar os equipamentos para o concello.

Para o BNG ou o goberno municipal do PSOE e os seus aliados neste negocio (PP e Fátima Iglesias) son uns incompetentes ou deben explicar quen son os auténticos beneficiarios desta operación ademais da banca.

Para o BNG non éxiste ningunha oportunidade fantástica para A Guarda, tal comotrata de vender o goberno municipal e os seus aliados, a oportunidade fantástica é para a banca que se libra dun “marrón” e recibe máis de 300.000 €.

Podes ver este artigo na próxima dirección /articulo/novas/bng-denuncia-acordo-psoe-pp-fani-iglesias-finola-regalo-300000-banca/20180801005738001615.html


© 2018 BNG do Baixo Miño

Bloque Nacionalista Galego do Baixo Miño

Rúa Manuel Lomba, 2-1º

36780, A Guarda (GALIZA)

Teléfono: 986 60 60 09

Correo electrónico: baixominho@bng.gal