O PSOE vota en contra da proposta do BNG de regular os plenos en Camposancos

Merchi Vázquez, vogal do BNG na Entidade Local de Camposancos
Merchi Vázquez, vogal do BNG na Entidade Local de Camposancos
O PSOE vota en contra da proposta do BNG de regular os plenos en Camposancos

“A actitude do PSOE lembra a dun -Señorito de Cortixo- limitando a democracia en Camposancos, mentres o PP ponse de perfil”

Merchi Vázquez, vogal do BNG na Entidade Local de Camposancos

O pasado venres discutiuse unha moción presentada polo Bloque Nacionalista Galego para ao estabelecemento dun calendario de plenos da Entidade Local Menor de Camposancos.

Para o BNG resulta incríbel que en os representantes do PSOE voten en contra de regularizar o funcionamento da Entidade Local Menor de Camposancos.

O BNG lembra que na Entidade Local de Camposancos non existe ningún tipo de criterio que rexa a celebración dos plenos desta entidade, chegando a haber unha descoordinación entre a Entidade Menor de Camposancos e o Concello da Guarda facendo coincidir os plenos.

“No pleno quedou claro que o PSOE trata a Entidade coma se fose o seu eido, non como unha institución democrática e moderna con planificación”, comentou Merchi Vázquez, vogal da do BNG na Entidade de Camposancos.

Dende o BNG tratamos de construír unha institución máis aberta para os veciños e veciñas, sen limitar a participación na vida política de Camposancos e da Guarda, queremos que calquera poida explicar os seus problemas directamente no pleno.

Para o BNG o voto en contra do PSOE e a abstención do PP ilustran as poucas diferenzas que existen entre as dúas forzas que até agora monopolizaron a Entidade Local Menor de Camposancos.