O BNG insta ao alcalde da Guarda á procurar unha solución definitiva ás verteduras na zona do camping

Vídeo sobre as verteduras fecais na Xunqueira, a altura do camping na Guarda.

“O BNG leva anos demandando unha solución que remate coas continuas verteduras debido a rede de saneamento deficiente”

O BNG insta ao alcalde da Guarda á procurar unha solución definitiva ás verteduras na zona do camping

O BLOQUE NACIONALISTA GALEGO presentou unha iniciativa no rexistro do Concello da Guarda na que se insta ao alcalde da Guarda a procurar unha solución definitiva aos problemas de saneamento que hai na Xunqueira, na zona do camping.

As deficiencias na rede de saneamento nesa zona, fai que chegue a desbordar as arquetas, saltando as tapas de rexistro literalmente polo ar, xerando verteduras, cheiros insoportábeis, e riscos para os viandantes e para o medio natural.

“Unha degradación ambiental e turística que se une á desfeita dos areais da Lamiña, que evidencia o desleixo e falta de seguimento das administracións competentes. Cumpre atallar urxentemente esta situación”, comentou Ángel Baz, portavoz municipal do BNG.

O BNG lembra que estamos ante unha zona de especial protección ambiental, polo que as administracións públicas deberan poñen un especial interese no seu coidado e preservación.

O concello ten a obriga de velar pola boa conservación e mantemento do rico patrimonio natural guardés dado que é un recurso turístico de primeiro nivel- “non é só presumir de premios, é manter as condicións para ser merecedores dos mesmos”- sinala Ángel Baz.


Imaxes do estado da zona:

whatsapp image 2018-04-17 at 09.56.29whatsapp image 2018-04-17 at 09.53.22whatsapp image 2018-04-17 at 09.53.19

O BNG insta ao alcalde da Guarda á procurar unha solución definitiva ás verteduras na zona do camping