O BNG apoia o proxecto de recuperación de Concepción Arenal da Guarda

Ángel Baz, portavoz municipal do BNG
Ángel Baz, portavoz municipal do BNG

 “O BNG votará a favor dun proxecto transformador para A Guarda e esixe o compromiso da Xunta para o novo aceso ao porto da Guarda”

O BNG apoia o proxecto de recuperación de Concepción Arenal da Guarda

Ante o acordo chegado entre a Deputación e o Concello da Guarda a instancias da moción presentada polo Bloque Nacionalista Galego, o BNG anuncia o seu apoio a sinatura do Convenio entre o Concello da Guarda e a Deputación de Pontevedra que poñerá en marcha un dos proxectos máis transformadores para o Concello da Guarda, a remodelación da rúa Concepción Arenal.

“En todo momento pulamos por un proxecto que dese prioridade ás persoas, en especial aos colectivos máis esquecidos: nenos, persoas maiores, persoas con mobilidade reducida”, apunta o voceiro municipal do BNG Ángel Baz.


“O BNG débese a seu programa electoral e este proxecto, xunto co do novo acceso ao porto, son os piares básicos para a transformación real da Guarda nun concello accesíbel, atractivo e sostíbel”, enmarca o voceiro nacionalista.

O BNG esixe compromiso ao PP e a Xunta co acceso ao porto


Para os nacionalistas é preocupante o desleixo con que a Xunta actúa ca súa obriga de dotar ao sector pesqueiro guardés dun novo acceso o Porto.



O BNG foi quen de desatascar a parálise na que estaba este proxecto, vinculándollo a un proxecto sectorial que o afasta dun PXOU sen consenso no que o PSOE o tiña afundido.


Ante a nova situación que se abre, o BNG insta ao alcalde da Guarda a encabezar unha fronte común na que conte coas formacións políticas e os axentes sociais e esixir á Xunta do PP un compromiso efectivo para a execución dese novo acceso a Porto, para iso terá sempre ao BNG ao seu carón.